Goran Miroviç, një mesfushor për kuqeblutë |
nga AlbaniaSoccer E premte, 15 Janar 2010 19:30 | ![pdf](/templates/gk_icki_sports/images/pdf_button.png) | ![Shtyp](/templates/gk_icki_sports/images/printButton.png) | ![Email](/templates/gk_icki_sports/images/emailButton.png) | |
Te Vllaznia, që nga mesdita e së mërkurës, ka mbërritur për provë mesfushori serb Goran Miroviç. Ky lojtar luan si mesfushor organizator dhe kuqeblutë kanë shumë nevojë për një mesfushor të tillë. Drejtuesit e Vllaznisë e kanë studiuar atë prej disa kohësh në disa videokaseta të siguruara. Madje siç bëhet e ditur, ndërmjetësi për ardhjen e tij në Shkodër ka qenë pikërisht sulmuesi serb i Apolonisë, Brkiç. Ai, siç duket, e njeh mirë Miroviçin dhe në kontaktet me Kaçin, shkodranin që luan për fierakët, ka sugjeruar këtë lojtar për presidentin Fushaj.Ai është 27 vjeç, 183 cm dhe në sezonin e fundit ka luajtur me ekipin Pelister Bitola në Maqedoni. Përveç pasit të saktë, Miroviç dallohet edhe për luftën e fortë sportive në mesfushë, prandaj shpresat e stafit të Vllaznisë janë që ai të rezultojë i tillë deri në fund të provës së tij.
Kel Naraci
![busy](https://albaniasoccer.com/components/com_jomcomment/busy.gif) |