Laçi do të luajë për herë të dytë në Europë dhe ekipi luksemburgas, Diferdange është kundërshtari i tij, që nesër në orën 19:00 do të ndeshen në stadiumin e Korçës. Diferdange është ekipi i një qyteti me 23 mijë banorë, që ndodhet në kufirin frankobelg. Klubi u formua në vitin 2003, pas bashkimit të dy klubeve lokale. Në Europë mbetet kualifikimi historik i ekipit në turin e tretë të Ligës së Europës në vitin 2011, ku u eliminua nga PSG. Si të gjithë klubet e Luksemburgut, ai është një klub amator. Edhe pse nuk ka qenë në gjendje që të fitojë titullin, ekipi zuri vendin e katërt, duke u mundur nga Esch në finalen e Kupës së Luksemburgut dhe kështu fitoi të drejtën të luajë në Europë. Lojtarët më të njohur janë Bukviç, Janisch dhe Betmer.