Bardheblute arrijne fitoren e dyte rradhazi ne kampionat. Ndeshja e luajtur ne stadiumin kombetar “Qemal Stafa”, eshte ndjekur nga nje numer i vogel tifozesh. Ne tribunen VIP ndodhej presidenti Refik Halili dhe Agim Zeqo i Skenderbeut per te pare kete perballje.

Tirana eshte me kerkuese dhe kerkon te zhbllokoj rezultatin sa me shpejte. Ne minuten 19-te, Gilman Lika jep nje top te mire per Balen, por ky nuk trgohet i vemendshem duke shperdoruar nje rast te mire per te shenuar gol. Vetem kater minuta me vone do te jete serish sulmuesi shkodran qe vetem dy metra larg portes se Hoxhes gjuan ne menyre te gabuar me koke. Sulmet e bardhebluve drejt portes se liqenoreve shtohen, por ekipi i drejtuar nga Ylli Cekici eshte i mire vendosur prapa duke thyer te gjitha sulmet e tyre. Ne minuten e 41-te, Dushku rrezohet ne zonen e Pogradecit dhe arbitri Sino akordon penallti. Lojtaret miq protestojn dhe per nje moment kane qene gati duke braktisur fushen e lojes, por trajneri Cekici i ka mbajtur ne fushe. Nga pika e bardhe G.Lika gjuan dhe shenon golin e avantazhit per bardheblut.

Pjesa e dyte fillon me nje zevendesim per Tiranen. Largohet Hepple dhe futet Tushe. Ne minuten e 52-te, do te jete nje tjeter shkodran qe do te shenoje golin e dyte per Tiranen. Pas nje asis te Tushes, sulmuesi Bala shenon golin e dyte. Ne minuten e 65-te, pogradecaret shkurtojne diferencen e golave me sulmuesin me te mire  te tyre Eminhazeri. Ky gol i jep zemer miqve te cilet besojne tek barazimi. Vendasit nervozohen dhe ne te 69-ten, G.Lika ndeshkohet me karton te verdh. Duhet te vinte minuta e 78-te, qe te merrte fund ankthi i Tiranes. Bala me nje parabel shenon golin e trete dhe te dytin personal ne kete ndeshje. Deri ne fund te ndeshjes rezultati mbetet i pa ndryshuar.

Kliko - Skeda dhe komenti i ndeshjes

Kel Naraci