Shpëtim Mocka një ndër portierët më të talentuar  në kampionatin Shqiptar është parë shumë i ekzaltuar në përfundim të ndeshjes me Vllaznin, e cila përfundoj me fitoren e pastër 2-0 për vlonjatët. Portieri shtatlartë që mbronë dhe portën e skuadrës Shpresa të Shqipërisë për Albaniasoccer.com është shprehur se :

“Një fitore e ardhur në momentin e duhur. Një tre pikësh që ka shumë vlera, jo vetëm për pikët e fituara, por dhe për të rikthyer sadopak qetësinë dhe sigurinë brënda skuadrës. Falë një lojë të mirë dhe të bukur që zhvilluan të gjithë cunat arritëm të mposhtnim Vllaznin në të gjitha drejtimet. Një meritë të madhe ka dhe trajneri Magani, i cili ka ditur të rikthej harmonizimin brënda grupit”.

“Kjo pauzë e kampionatit do na shërbejë për të rikuperuar lojtarët e dëmtuar si dhe për të rikuperuar sadopak ato mangësi që kemi shfaqur në lojrat që kemi zhvilluar. Skuadra e Flamurtarit shumë shpejtë do të rënditet atje ku e meriton”.

“Tani jam i grumbulluar me skuadrën kombëtare Shpresa për ndeshjen e datës 14-të ndaj Bjellorusi-s. Do na mungojnë shumë lojtar bazë të formacionit për arsye shëndetësore si dhe ndëshkime me kartona dhe kjo është një minus për ne. Do të mundohemi të marrim një barazim nga kjo trasfertë e vështirë”.