Mesfushori shkodran Erjon Hoti ka qenë padyshim lojtari më i mirë për skuadrën e Apolonisë në këtë premiere të kampionatit. Skuadra Firake ka fituar me rezultatin e pastër 2-0 ku Hoti ka qenë protagonistë në të dy golat e shënuar. 

Në një intervistë për  Albaniasoccer.com protagonisti kryesor i ndeshjes Erjon Hoti ka deklaruar : "Ndihem i emocionuar, por dhe shumë i gëzuar për fitoren dhe për golin e shënuar. Këtë gol të parë për këtë sezon ja dedikoj familjes time. Një falenderim special shkonë për tifozërinë  firake e cila na mbështeti nga minuta e parë deri në të fundit. Falë tyre në stadium u krijua një atmosferë e mrekullueshme e cila na ndihmoi për arritjen e këtij rezultati pozitiv. Ne e merituam fitoren pasi ushtruam për 90-të minuta presion mbi kundërshtarin. Nuk kemi shumë kohë për të festuar pasi javën që vjen na pret një ndeshje akoma më e vështirë me Vllazninë në Shkodër. Duhet të qëndrojmë me këmbë në tokë dhë ti marrim ndeshjet një e nga një. Shpresoj që përballë ish skuadrës time të arrijmë një rezultatë pozitiv". 

Kurse për golin e parë të shënuar nga Hadzibulic, Hoti do te shtonte: “Nuk e preka fare. Topi e kishte marre drejtimin e duhur. Me “pastroi” pluhurin e flokëve, por nuk e devijova fare topin” – u shpreh me humor futbollisti i cili me teper ndikoi ne çoroditjen e portierit durrsak se sa ne devijimin e topit ne rrjete.


Klevis Bejkolli