Mesfushori shqiptar nga Kosova Xherdan Shaqiri ka insistuar se nuk e ka ndërmend të largohet nga Bayern Munchen gjatë kësaj vere, shkruajnë mediat gjermane të hënën. Shaqiri 21-vjeçar, ka deklaruar se është i vendosur të qëndrojë te Bayerni për t’i treguar vlerat e veta.

“Dua ta dëshmoj veten te Bayerni dhe të tregoj se mund të luajë për këtë skuadër”, ka deklaruar Shaqiri. Interesim për Shaqirin ditë më parë ka treguar skuadra e Liverpoolit që ka ofruar 23 milionë euro dëmshpërblim. “Nuk më interesojnë ofertat tjera. Mendoj se mund të luajë në përbërjen e parë përkrah Mario Gotzes”, është shprehur Shaqiri, i cili edicionin e shkuar ka fituar titullin e kampionit të Bundesligës, Kupën e Gjermanisë dhe Ligën e Kampionëve.

Shaqiri te Bayerni u pat transferuar verën e shkuar nga Bazeli për 12.5 milionë euro dëmshpërblim.