Kombëtarja e 17-vjeçareve ne futboll  u nise te martën ne Holande për aventurën e dyte dhe me te rëndësishme për kualifikueset e evropianit.

Kuqezinjtë arritën një kualifikim historik ne elite round pasi u renditen te dytët ne grupin 12 ku merrnin pjese pas krahëve te Gjermanisë e duke lënë jashtë Sllovakinë dhe Estonin. Tashme prova është me e vështire pasi ne grupin e ardhshëm bëjnë pjese kampionet ne fuqi te Evropës, Holanda Serbia dhe Irlanda.

Ne Elite Round bëjnë pjese 28-ekipe kombëtare te ndara ne 7-grupe. Nga çdo grup kualifikohet një ekip qe i bashkëngjitet vendit organizator Sllovenisë ne finalet e evropianit te 17-vjeçareve.

Takimin e pare ne grupin e 5-te kuqezinjtë do ta luajnë ne datën 22-mars kundër vendasve te Holandës ndërsa dy dite me vone ekipi Mustedanagic sfidon kombëtaren serbe. Ndeshja e fundit kundër Irlandes është ne datën 26-mars.