| De Biasi shpall listen provizore per Euro2016 | ||||
|
 Sot paradite trajneri i kombëtares Gianni De Baisi, ka zhvilluar një konferencë për shtyp në Federatën Shqiptare të Futbollit. Dy ishin temat kryesore të saj. Së pari, programi përgatitor i skuadrës kombëtare, i cili do të nisë më datë 23 maj në Austri, për të vazhduar më pas në Itali dhe në Francë. Së dyti, shpallja e listës së futbollistëve të cilët do të jenë të përzgjedhur për grumbullimin përgatitor. Ai deklaroi se do të ketë 27 futbollistë të grumbulluar. Nga të cilët, 5 do të largohen më datë 31 maj kur do të deklarohet edhe lista zyrtare me 23 futbollistë. “Listën e kam përpiluar vetë, duke i besuar bindjes time, pa ndikimin e askujt. Futbollistëve, ju kam nisur një letër ku i spjegoj qartë se ata janë përzgjedhur për të krijuar një skuadër. Dhe ne do të funksionojmë si të tillë. Ashtu siç kemi vepruar deri më tani”-theksoi trajneri i përfaqësueses Gianni De Biasi. Më pas ai ju përgjigj pyetjeve të shumta të gazetarëve, interesimi i të ciëve ishte mjaft i madh për informacionet në lidhje me skuadrën. Ja dhe lista e lojtarëve të grumbulluar për përgatitoren para Euro 2016:
Set as favorite Bookmark Email this Hits: 4620 |
