HOT NEWS
E premte, 29 Mars 2024
  • Superliga
  • Kategoria 1
  • Kosova
Kombëtarja/ Valdet Rama: Shqipëria duhet të besojë deri në fund
nga AlbaniaSoccer   E diel, 09 Qershor 2013 12:26   pdfShtypEmail

valdet rama gol norvegjiaMesfushori i Shqipërisë, kosovari Valdet Rama, pavarësisht barazimi ndaj Norvegjisë, ka thënë se ekipi shqiptar ka bërë lojë të mire.

Shqipëria – Norvegjia mbrëmë luajtën baraz 1-1, në kuadër të eliminatorëve të Kupës së Botës “Brazili 2014”. Rama, i cili ishte autor i golit për kuqezinjtë pas ndeshjes tha se skuadra e tij kishte mundësi që të fitojë ndeshjen.

“Pësuam një gol, që nuk na la shije të mirë. Kishim shanse të mira për të dyfishuar rezultatin, madje nuk na munguan as në minutat e fundit të takimit. Barazuam dhe ky është realiteti”, ka thënë Rama. Lojtari i Vallodolidit të Spanjës, theksoi se ishte ndjenjë e mirë të shënosh gol në një atmosferë të tillë. Sipas Ramës, Shqipëria nuk do të dorëzohet deri në fund të garave.

“Goli që shënova, normale që më la një ndjenjë të mirë, por nëse do kishim fituar do kishte qenë edhe më mirë. Ne duhet të vazhdojmë të punojmë dhe të besojmë. Jemi në vendin e dytë në grup dhe nuk duhet të harrojmë se ky pozicion është shumë i mirë. Do besojmë deri në fund të kualifikueseve dhe do japim maksimumin tonë”, tha Rama.


busy
komente
 

Lajmet e Fundit

    Lajmet me te lexuara

      Komentet e fundit