Ndeshja e parë e javës së VI në Raiffeisen Superligë, ndërmjet Trepçës dhe Hajvalisë, që është zhvilluar sot në Stadiumin Olimpik “Adem Jashari” në Mitrovicë është mbyllur pa fitues dhe pa gola (0-0).

Ritmi i lojës në përgjithësi ishte i ulët, kurse mundësitë më të mira për të shënuar të dyja skuadrat i kishin në 45-minutat e dytë. Fillimisht mysafirët në minutën e 65-të, kur Zuçaku gjuajti nga distanca, por topi e qëlloi tërthorësen. Ndërkaq, vendasit në minutën e 81-të iu afruan golit, por gjuajtja e Shkupollit me kokë qëlloi vetëm tërthorësen.