Skuadra e KEK-ut dhe ajo e Besës nga Peja do t’i matin forcat të mërkurën në kuadër të javes së XIV në Raiffeisen Superligën e Kosovës në Futboll. Trajneri i KEK-ut, Bylbyl Sokoli, i kënaqur me formën që po kalon skuadra e tij, ka kërkuar që mos të ndërpritet forma nëpër të cilën po kalon skuadra nga Kastrioti.

“Ekipi ynë duhet ta mbajë formën e mirë që ka dhe t’i hyjë serisë së rezultateve pozitive. Pavarësisht dy mungesave, jemi optimistë për këtë sfidë”, ka thënë Bylbyl Sokoli.

Ndërsa trajneri i Besës, Genc Hoxha, ka bërë të ditur se skuadrës së tij do t’i kryejë punë edhe një barazim. “Do të jetë një takim shumë interesant, pasi ne dhe KEK-u jemi duke kaluar nëpër një formë të mirë. Ne shkojmë të zhvillojmë lojë të hapur, kurse shpresojmë të nxjerrim rezultat pozitiv”, ka thënë Hoxha, skuadra e të cilit ka shënuar fitore në takimin e parë që këto dy skuadra e zhvilluan në “Shahinhaxhiislami”.

Sulmuesi Berat Grabovci dhe kapiteni Bekim Isufi do të jenë mungesat e KEK-ut, kurse Genc Hoxha nuk do ta ketë në dispozicion Durakun, Papuçin dhe Demajn, kurse edhe mesfushori Besnik Morina është në pikëpyetje. Pas Javës së Trembëdhjetë KEK-u renditet në pozitën e katërt me 21 pikë, një pozitë më poshtë me vetëm një pikë më pak se KEK-u.

Veton Zymberi