HOT NEWS
E enjte, 28 Mars 2024
  • Superliga
  • Kategoria 1
  • Kosova
Në fokus/ Besart Berisha, goli i vetëm “australian” ndaj Manchester United
nga AlbaniaSoccer   E shtunë, 20 Korrik 2013 12:35   pdfShtypEmail

besart-berishaU zhvillua ditën e shtunë me 20-korrik 2013 në Sidney të Australisë takimi miqësor midis përzgjedhjes së futbollistëve më të mirë të kampionatit kombëtar australian dhe Manchester United. Ndonese kampionëve të Anglise u mungoi emblema e vet Wayne Rooney, nuk munguan emra te tille si Giggs, Wellbeck, Evra e Van Persie.

Hyrja në fushë e këtij të fundit në pjesën e dytë u prit me ovacione të shumta. Për yjet e kampionatit australian ishte i përzgjedhur edhe futbollisti shqiptar Besart Berisha ndërsa në krahun tjetër, me Manchester United ishte grumbulluar shqiptari tjetër Adnan Jonuzaj që siç dihet ka zgjedhur të mos përfaqesojë kombëtaren shqiptare.

Januzaj e nisi lojën nga stoli dhe hyri në lojë në minutën e 71’ të ndeshjes. Një minutë më vonë, në 72’ ishte Berisha që doli nga loja. Takimi u dominua krejtësisht nga Manchester United që e mbylli pjesën e parë me avantazhin e dy golave, i pari nga Lingard dhe i dyti nga Wellbeck ndersa lojtari ynë Berisha u shfaq mjaft i lëvizshëm, por ngeli i pafurnizuar nga mesfusha australiane. Për tu veçuar ishte një pasim i bukur i Berishës që gati u kthye në gol nga Broich, shoku i tij i skuadrës të Brisbane Roar, ndërsa në një moment tjetër Berisha goditi vetë, por u bllokua shpejt nga mbrojtja angleze.

Në pjesën e dytë vendasit e nisën lojën më mirë dhe çasti me kulminant ishte goli i Besart Berishës i cili me një gjuajtje të kalibruar përshëndeti në 52’ rrjetën e Manchester United duke e shkurtuar rezultatin në 1-2. Lingard ndëshkoi me kokë mbrojtjen e fjetur australiane në 70’ duke e çuar rezultatin në 1-3. Nuk u ndal me kaq Manchester që shënoi edhe golin e katërt, kësaj radhe me Wellbeck, ndërsa për të vulosur triumfin e kampionëve anglezë mendoi hollandezi Van Persie në 87’. Një rast të mirë shënimi pati në minutat shtesë të lojës edhe Januzaj, por nga një pozicion ideal goditi shtyllën.

All Stars Australia – Manchester United 1-5 (52’ Berisha/ 11’, 55’ Lingard, 70’, 75’ Wellbeck, 87’ Van Persie) / kliko-video /

Përgatiti: Florent Hoxha

 


busy
komente
 

Lajmet e Fundit

    Lajmet me te lexuara

      Komentet e fundit