Qetësi pas furtunës.

Të paktën deri te enjten. Është pikërisht kjo dita kur do të vendoset rruga që do të ndjekin te Skënderbeu.

Pasi shkarkoi nga detyra zv/presidentin Kollçaku, administratorin Përmeti dhe të gjithë administratën e klubit, presidenti Ardjan Takaj pritet të marrë edhe një vendim rreth trajnerit Mirel Josa dhe stafit teknik.

Të gjithë janë pezulluar pa afat nga drejtuesi më i lartë i skuadrës.

Në mbledhjen e jashtëzakonshme që do të zhvillohet, pritet të mësohet nëse Takaj do vazhdojë t’ia besojë skuadrën Josës, apo do të zgjedhë një tjetër trajner për të mbyllur sezonin.

Aty pritet të merren edhe vendime të rëndësishme përsa i takon të ardhmes së disa lojtarëve të përfolur në merkato.

Synimi është që grupi aktual të mos dobësohet, ndërsa presidenti kërkon me ngulm që Nuredin Orelesi të mos largohet nga Skënderbeu.