HOT NEWS
E enjte, 28 Mars 2024
  • Superliga
  • Kategoria 1
  • Kosova
Kategoria Superiore/ Kukesi tjeter leksion Tiranes
nga AlbaniaSoccer   E diel, 04 Nentor 2012 18:16   pdfShtypEmail

tirona-laciAta që nuk besuan tek Kukësi as pas fitores 4-0 ndaj Tiranës në Kupën e Shqipërisë, duhet të binden tani. Skuadra veriore arriti një tjetër sukses të madh ndaj kryeqytetasve, këtë herë të vlefshëm për javën e IX të Superligës dhe me rezultatin 2-1.

Me golat e Allmuçës dhe Hoxhës, nga një në çdo pjesë loje, djemtë e trajnerit Cungu, u treguan tepër të fortë për Tiranën e madhe, por që po tregohet e vogël këtë sezon.

Trajneri Alban Tafaj, që zëvendësoi Artur Lekbellon në stol, nuk pati fillim të mbarë dhe për të nuk mjaftoi goli i shënuar nga Gilman Lika që barazoi përkohësisht shifrat.

Me këtë fitore, kuksianët janë në vendin e katërt në Superligë me 15 pikë, ndërsa bardheblutë zbresin në vendin e 6-të në kuotën e 13-pikëve.

Në ndeshjen tjetër të orës 14:00, Bylisi arriti të marrë një pikë në fushën e Tomorit në Berat. Përballja doli 0-0 dhe tani skuadra nga Ballshi ka 12-pikë, duke qenë shumë pranë Tiranës, në vendin e 7-të.

Në krye të renditjes së Superligës është Skënderbeu me 21-pikë.


busy
komente
 

Lajmet e Fundit

    Lajmet me te lexuara

      Komentet e fundit