Mesfushori shkodran që luan për Apolonin e Fierit, Erion Hoti në një bisedë për Albaniasoccer.com ka folur për ecurinë e rikuperimit si dhe për mungesën në fushë në dy ndeshjet më të bukura ndaj Tiranës dhe Skëndërbeut.

“Ndeshja e Lacit ishte shumë fatale për mua. Ai dëmtim po më mban ende larg fushës së lojës dhe nuk do shkel më kurr në atë fushë të mallkuar. Pas ekzaminimeve të bëra në Mal të Zi e kam futur kembën e majtë në një si tip proteze e përbërë nga dy shufra hekuri që shtrihen anash gjurit, nga kavilia deri lart te kofsha dhe lidhen me gjashtë llastiqe me ngjitëse. Kjo shërben për ta mbajtur gjurin në të njëtin pozicion”.

“Më kanë ngelur dhe nëntë dit nga heqja e kësaj proteze. Do të shkoj në Mal të Zi te mjeku që e vuri, për ta hequr dhe ai do të shohi ecurinë e këmbës dhe mendoj se pas heqjes do vazhdoj me terapi Magnetike”.

“Dua të rikthehem sa më shpejtë në fushën e lojës, pasi në momentin tim më të mirë u dëmtova e kjo më ka mërzitur shumë, por do të rikthehem shumë shpejt dhe më mirë se më parë. Nuk dua të humb më ndeshje, dua të jem prezent në fushën e lojës me skuadrën time të Apolonis”.