Pasditen e djeshme presidenti i Teutës Edmond Hasanbelliu ka bërë publik emrin e trajnerit të ri dhe ai do të jetë shkodrani Edi Martini. Pas bisedimeve që të dyja palët kanë bërë gjatë ditës së djeshme është gjetur akordi që Martini të jetë për një sezon në krye të skuadrës bregdetare. Pranë Martinit do të jetë një emër i njohur i futbollit durrsak siç është Gentian Begeja, i cili ka qenë në këtë pozicion në kohën kur skuadra bregdetare drejtohej nga tekniku kryeqytetas Sulejman Starova.