Shqipërisë i shpëton fitorja nga duart në fundin e lojës, në të vetmin vetmin gabim difensiv të kuqezinjve, por skuadra e De Biasit me rezultatin 1-1 mbetet në vendin e dytë. Minuta e 87 prish festën e madhe në "Qemal Stafa", të ndezur që herët e që kulmoi me golin e Valdet Ramës në fundin e pjesës së parë. Pa 6 titullarë italiani organzion një skudër agresive, me Canin e Salihin në presing dhe ndihmë të mesfushës. Mavraj provon në minutën e parë, por goditja me kokë e mbrojtësit devijohet në kënd nga reagimi i portierit norvegjez. Pozitat delikate rëndojnë mbi këmbët e futbollistëve të dy skuadrave dhe pak raste krijohen. I vetmi moment i vështirë në portën e Berishës është në minutën e 12 kur portieri shtatlartë ndërhyn në dy kohë për të shmangur rrezikun. Rritet loja e kuqezinjve me kalimin e minutave, katë minutë më pas Salihi ka mundësinë më të mirë, pas inkursionit në krah të Ramës, por shkodrani në pozicion të prirët nuk gjen kuadratin. De Biasi insiston në lojën në krah dhe premiohet në minutën e 41, kur Valdet Rama bën gjithcka vetë. Mesfushori futet në zonë shmanget dhe befason portierin në shtyllën e parë, duke kaluar Shqipërinë në avantazh. Goli i parë në ndeshjen e parë eleminatore për Ramën që merr edhe duartroktitjet e kryeministrit Berisha në tribunë? Nuk ndryshon agonizmi i kuqezinjve edhe në pjesën e dytë, por këtë herë fati nuk është në anën tonë, sepse goditja e Salihit ndalet nga traversa në minutën e 67. Një mundësi e cuar dëm, ashtu si edhe ajo e minutës së 72, pas një skeme brilante në zhvillimet e një goditje dënimi. Vetëm rrjetë e jashtme e Vilës, ndërsa në minutat e fundit ka kohë edhe për debutimin e Kaces. Por pikërisht atëherë vikingët godasin pas një goditje këndi. Hogli më shtatshkurtri ndër norvegjezët shënon me kokë në qendër të mbrojtjes, duke sfumuar kështu shkëputjen e shpresuar ndaj Islandës. Me 10 pikë, një pas Zvicrës që ka një ndeshje më shumë për të luajtur, Shqipëria mban pas Islandën, por duhet të bëjë tani llogaritë me tre transferta në katër eleminatoret e fundit.

Shqiperi-Norvegji 1-1 (kliko-Video)