Elbasani ka arritur te mposhte ne “Ruzhdi Bizhuta” ekipin e Skenderbeut. Nje gol i Merxhes ne minuten e 65’ i ka dhene tre piket verdhebluve. Korcaret kane zhgenjyer pergjate 90-minutave dhe ne asnje moment nuk kane rrezikuar porten e mbrojtur nga Llani. Qe ne minutat e para, skuadra e Elbasanit tregoi me teper deshire dhe grinte duke krijuar nje sere rastesh e duke iu imponuar kundershtarit. Tifozet e rikthyer pas disa javesh ne stadium, kane qene nje force me e madhe e per kete takim mund te konsiderohen si lojtari i 12-te ne fushe per verdheblute.  Sadiku dhe Hyshmeri per Elbasanin kane qene rreziku numer nje per portierin e Skenderbeut Orges Shehi, Fraksioni i pare i lojes eshte mbyllur pa gola dhe ne pjesen e dyte, ndryshe nga sa pritej te dyja skuadrat kane menduar me teper te administroje lojen. Trajneri i verdhebluve Krenar Alimehmeti kerkon nga te tijet qe te jene me teper agresiv dhe ne minuten e 65’ ka ardhur edhe goli i avantazhit qe ne fund ka rezultuar me vleren e tri pikeve. Merxha ka gjuajtur drejt portes dhe topi  ka perfunduar ne rrjete. Ne “Ruzhdi Bizhuta” ka feste. Minutat e mbetura nuk prodhojne shume histori dhe ne fund Elbasani i gezohet fitores perballe nje nga pretendeteve per titull ne kete sezon.

Enea Shtrepi

Elbasani       1

Skenderbeu  0

Shenues: Merxha 65’

E diele, 26 shtator 2010, ora 16:00, ne stadiumin “Ruzhdi Bizhuta” te Elbasanit.

Elbasani: Llani, Memetaj, Merxha, Ramazani, Sulejmanoviç, Gava (Hoxha 88’), Radoviç, Hyshmeri (Çapja 90’), Idrizi, Sadiku, Raboshta (E.Dalipi 76’) Tr.K.Alimehmeti

Skenderbeu: Shehi, Fagu, Dragusha, Ristovski (Joliç 68’), Vrapi, Bratiç, Biskup, Shkembi (Vishaj 45’), Markoviç, Brkiç, Soza. Tr.Sh.Muça

Gjyqtare: B.Pashaj, E.Biçaku, R.Çakaj

Vezhgues: I.Kristo

Kartona te verdhe: Memetaj 49’,Ramazani 60’, Radoviç 7’, Idrizi 48’, Dragusha 51’, Biskup 40’, Markoviç 90’.