U luajt ne Durres, ne stadiumin “Niko Dovana” ndeshja e fundit per javen e katert ne Kategorine Superiore. Teuta fitoi me veshtiresi 1-0 kunder Bylisit dhe u ngjit ne kuoten e 9-te pikeve po aq sa Tirana dhe tani te dyja skuadrat ndajne vendin e pare me njera tjetren.

Ndeshja e luajtur ne oren 18:00 kishte ngjallur nje interesim te konsiderueshem per tifozerine durrsake por nuk kane munguar as miqte e ardhur nga Ballshi.

Ndeshja ne fushe ka qene shume e luftuar por kane munguar diferencat mes dy skuadrave dhe te pakta kane qene rastet per gol ne portat respektive.

Ne pjesen me te madhe te ndeshjes, mallakastriotet kane qene me lart se vendesit, duke krijuar edhe raste per shenim. Por ka triumfuar ne fund strategjia e Hasan Likes, qe permes kundersulmit ka gjetur edhe golin e fitores, me ane te sulmuesit Mirel Cota, ne minuten e 72-te.

Pepa ka krosuar nje top ne zone qe i ka rreshkitur nga duart portierit Egbo dhe Cota ka perfituar duke shenuar golin e fitores.

Bylis ka provuar te barazoje por ska pasur forcen e nevojshme per te thyer mbrojtjen durrsake. Ne fund ndeshja eshte mbyllur me rezultatin 1-0 dhe vec tre pikeve te Teutes e vecante ka qene dhe humbja e pare per mallakastriotet ne kampionat.