Ish- portieri i njohur i gjeneratës së artë të Prishtinës, Shukri Paçarada, ka zhvilluar seancën e parë më portierët e përfaqësues së Kosovës në Futboll.

Paçarada, i cili pak kohë më parë është emëruar trajner i portierëve të përfaqësues sonë nga përzgjedhësi Albert Bunjaku, stërvitjen e parë e ka mbajtur në stadiumin e 2 Korrikut. Stërvitja ka qenë e përqendruar në elemente bazike te teknikës së portierëve. I pari i portierëve të Kosovës, Shukri Paçarada ka bërë të ditur se faza e fundit e stërvitjes me portierë do të jetë puna në aspekti fizik.

“Kjo teknik me ka shërbyer në punën time të trajnerit që e bëjë në skuadrën gjermane Bayer Leverkusen. Realisht vetëm më një stërvitje nuk mund të flas shumë rreth portierëve të përfaqësues sonë”, ka thënë Paçarada.